"Hayduk" yaxşı bir baş məşqçiyə tapşırılıb. Sadəcə, onların güclü heyətə sahib olduğunu düşünmürəm. Layiqli bir kollektivləri var, lakin bu heyətin Avropada uğur qazanmaq üçün yetərli olub-olmadığını demək çətindir".
Bu sözləri Apasport.az saytına açıqlamasında “Qarabağ”ın sabiq qapıçısı Miro Varvodiç deyib.
“Hayduk”(Split) klubunun yetirməsi olan xorvat qolkiper sabiq komandasının Konfrans Liqasının “Zirə” ilə oyundakı şanslarını dəyərləndirib: “Hayduk”u çox yaxşı tanıyıram. Xorvatiyanın ən böyük klublarından biridir. Vaxtilə Çempionlar Liqasında iştirak edərkən rəqiblər onlardan çəkinirdilər. 2005-ci ildə isə ölkə çempionu oldular. Son illərdə maliyyə problemləri yaşasalar da, möhtəşəm azarkeş dəstəyinə sahibdirlər. “Zirə” haqqında da məlumatım var. Təbii ki, bu komandanın yaxşı heyətə malik olduğunu bilirəm. Düzdür, “Hayduk” kağız üzərində “Zirə”dən bir qədər güclü görünür. Amma Rəşad Sadıqov çox yaxşı baş məşqçidir və komandasını yaxından tanıyır. Nə baş verəcəyini görəcəyik. Maraqlı qarşılaşmalar bizi gözləyir, bu dəqiqdir”.
Oxşar xəbərlər
Ana səhifə
Bütün xəbərlər