Monteneqronun paytaxtı Podqoritsa şəhərində keçirilən cüdo üzrə Avropa çempionatı davam edir.

Apasport.az xəbər verir ki, yarışın üçüncü günündə Azərbaycan millisi daha bir medal qazanıb.

90 kq çəki dərəcəsində Murad Fətiyev 1/16 finalda Aleksandr Sidoriklə (IJF) qarşılaşıb və inamlı qələbə qazanıb. Yığma üzvü 1/8 finalda İslam Soqenovla (Serbiya) münasibətinə aydınlıq gətirib. Rəqibini məğlub edən Fətiyev növbəti görüşündə Luka Maysuradzeni (Gürcüstan) də üstələyib. O, yarımfinalda Kristian Parlati (İtaliya) ilə görüşdə uğurlu seriyanı davam etdirə bilməyib.

Məğlub olan cüdoçumuz bürünc medal uğrunda Aleksis Matye (Fransa) ilə yarışıb. Murad da həlledici döyüşdə ipponla qalib gələrək, 3-cü yeri tutub.

• Avropa çempionatı: Rəşid Məmmədəliyev bürünc medal üçün yarışacaq
• Daha 2 cüdoçumuz Avropa çempionatında mübarizəyə başlayacaq
• Əhməd Yusifov bürünc medalın sahibi olub
• Millimizin rəqibi bəlli oldu
• Cüdoçumuz bürünc medal uğrunda görüşə vəsiqə qazanıb