Azərbaycanın daha bir avarçəkəni Ümummilli Lider Heydər Əliyevin anadan olmasının 101-ci ildönümünə həsr edilmiş "Prezident Kuboku-2024" beynəlxalq reqatasında medal qazanıb.

Apasport.az xəbər verir ki, Mingəçevirdəki “Kür” Olimpiya Tədris-İdman Mərkəzində keçirilən yarışda Nurlan Paşayev (2006-2007) akademik avarçəkmə növündə 1500 metr məsafəyə yarışda ikinci olub.

Bununla da Azərbaycanın “Prezident Kuboku-2024”də qazandığı medalların sayı 3-ə çatıb. Daha əvvəl Əlimuradov Hacızadə birnəfərlik kayak qayığı ilə 500 metr məsafədə qızıl, Amil Ramazanov isə 200 metr məsafədə bürünc mükafata sahib çıxıb.

Qeyd edək ki, beynəlxalq turnirə mayın 3-də yekun vurulacaq.

• Bakı Avarçəkmə və Kanoe İdman Klubunda tələbələr üçün təlim keçirilib
• Azərbaycanda ilk dəfə Avropa Kanoe Assosiasiyasının ofisi açılıb
• Beynəlxalq federasiya rəhbərləri Bakıda avarçəkmə məşqlərini izləyiblər
• Kayak və kanoe növləri üzrə ölkə birinciliyi keçiriləcək
• Mingəçevirdə avarçəkmə üzrə Federasiya Kuboku keçiriləcək