Azərbaycan millisinin baş məşqçisi Canni de Byazi AFFA-nın ona əvəzləyici axtarmasına münasibət bildirib.

Apasport.az saytının məlumatına görə, italiyalı çalışdırıcı DÇ-2022-nin seçmə mərhələsinin Lüksemburqla qarşılaşması öncəsi təşkil olunan mətbuat konfransında türkiyəli mütəxəssislərlə danışıq aparması barədə sualı cavablandırıb.

De Byazi bunun öz işinə və futbolçularla münasibətinə nə dərəcədə təsir etdiyinə aydınlıq gətirib: “Bu baxımdan bəxtim gətirib ki, dili yaxşı bilmirəm, saytları, medianı izləmirəm. Öz işimi maksimum dərəcədə yerinə yetirməyə çalışıram. Heç kim bizim qrupda 1-ci, 2-ci və 3-cü yeri tutacağımızı gözləmirdi. İllüziyalarla yaşamırıq. Cavan oyunçulara səbir və inkişaf üçün vaxt lazımdır”.

Qeyd edək ki, de Byazinin AFFA ilə müqaviləsi bu ilin sonunda başa çatacaq.
 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi