“Reyncers”in baş məşqçisi Stiven Cerrard “Aston Villa”nın sükanı arxasına keçməyə yaxındır.

Apasport.az saytının məlumatına görə, İngiltərə millisinin sabiq kapitanı birmingemlilərlə danışığın son mərhələsindədir.

41 yaşlı mütəxəssisin “Reyncers”lə müqavilə müddətinin sonuna hələ iki il yarım qalsa da, şotlandlar onun gedişin mane olmayacaqlar. Çünki tərəflər arasında bununla bağlı razılıq var. Cerrardın hətta dünən klubun icazəsi ilə Londona yollandığı, “Aston Villa”nın oradakı ofisində rəhbərliklə görüşdüyü bildirilib.

Cerrard noyabrın 20-də “Brayton”la keçiriləcək oyundan əvvəl yeni komandasının sükanı arxasına keçə bilər. O, “Reyncers”dəki köməkçisi Qari Makallisteri də özü ilə aparacaq.

Qeyd edək ki, Aston Villa” baş məşqçi Din Smiti noyabrın 7-də istefaya göndərib.
 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi