“Azərbaycanla oyuna qədər ehtiyatı əldən vermək olmaz”.

Apasport.az saytının məlumatına görə, bunu Lüksemburq yığmasının baş məşqçisi Lük Holts deyib.

52 yaşlı mütəxəssis DÇ-2022-nin seçmə mərhələsində Azərbaycan və İrlandiya ilə keçiriləcək son oyunlar öncəsi koronavirusa yoluxmadan qorxur. O, futbolçularına bununla bağlı xəbərdarlıq etdiyini söyləyib: “Heyətimizdə bir neçə itki var. Bəziləri zədə, bəziləri şəxsi səbəbdən dəvət olunmayıb. Koronavirus riskini də unutmaq olmaz. Azərbaycana getdikdən sonra orada da test verəcəyik. Başqa itki ilə üzləşməmək üçün ehtiyatlı olmalıyıq”.

Qeyd edək ki, noyabrın 11-də Bakı Olimpiya Stadionunda millimizin qonağı olacaq Lüksemburq yığması üç gün sonra İrlandiyanı qəbul edəcək. Lük Holts koronavirusa yoluxma riskini nəzərə alaraq, 4 nəfərlik ehtiyat qüvvə də açıqlayıb.
 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi