“Sabah”ın yeni baş məşqçisi Murad Musayev Bakı klubundakı debütündə ciddi islahatlara əl atmayıb.

Apasport.az saytının məlumatına görə, rusiyalı mütəxəssis ötən turla müqayisədə start heyətində yalnız iki dəyişikliyə ehtiyac duyub.

“Qəbələ” üzərində 3:1 hesablı səfər qələbəsində pay sahibləri olan Bəxtiyar Həsənalızadə və Abdulax Xaibulaev “Zirə” ilə bugünkü matçda ehtiyatda qalıb. Hərçənd Bəxtiyar “Sabah”da əvvəlki 9 turu əvəzolunmadan keçirdən iki oyunçudan biridir. Musayev “11-lik”də legionerlərin sayını artırmağı lazım bilib.

O, Xulio Sezar Rodrigez və Şpiro Periçiçi ilk dəqiqələrdən meydana buraxıb. komandanın əsas heyət üzvü olan Perişiç ötən tur ehtiyatda qalmışdı. Xulio isə mövsümdə ikinci dəfə start heyətində şans qazanıb. O, cəmi üç matçda meydana çıxıb. Yalnız bir dəfə “11-lik”də olan hücumçu həmin qarşılaşmada da qırmızı vərəqə alıb.
 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi