“Neftçi”nin müdafiəçisi Ömər Buludovun durumuna aydınlıq gəlib.

Klubun mətbuat xidmətindən apasport.az saytına verilən məlumata görə, 23 yaşlı cinah oyunçusunun zədəsi ciddi deyil.

Azərbaycan Premyer Liqasının IX turunda “Qarabağ”la (0:4) qarşılaşmanın birinci hissəsində zədələnərək 37-ci dəqiqədə əvəzlənən Buludov tibbi müayinədən keçib. Məşqçilər korpusunun qorxduğu kimi, oyunçuda hər hansı çıxıq, çat və ya sınıq aşkarlanmayıb.

Epizodların birində rəqibin hücumçusu İbrahima Vadjinin dizi kürəyinə tuş gələn Ömərdə əzilmə olub ki, bu da oynamasına hər hansı maneə törətmir. O, “Keşlə” ilə X tur matçında məşqçilər korpusunun sərəncamında ola biləcək.

Qeyd edək ki, “Keşlə” – “Neftçi” oyunu noyabrın 6-da “ASK Arena”da keçiriləcək.
 

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu