Azərbaycan Premyer Liqasının IX turunda “Qarabağ”a böyükhesablı məğlubiyyət (0:4) “Neftçi”də ciddi hərəkətliliyə səbəb olub.

Apasport.az saytının məlumatına görə, “ağ-qaralar” vaxt itirmədən transfer çalışmalarını sürətləndirib.

Baş məşqçi Samir Abasov, xüsusən də, müdafiə xəttinin gücləndirilməsi üçün təlimatlarını verib. Müdafiənin cinahlarındakı problemlərdən narazı olan çalışdırıcı bu mövqeyə alınmasını istədiyi oyunçulardan birini də müəyyənləşdirib. O, Türkiyə TFF I Liqasında çıxış edən “Erzurum BB”nin üzvü Ufuk Budakı sərəncamında görməkdə maraqlıdır.

Milliləşdirilmiş Türkiyə əsilli oyunçunun Azərbaycan vətəndaşlığı olması Abasovun seçimində əsas rolu oynayıb. Müdafiənin hər iki cinahında oynamağı bacaran 31 yaşlı futbolçunun isə “Erzurum BB” ilə müqavilə müddəti mövsümün sonuna qədərdir.

Samir Abasov Azərbaycan millisinin sabiq üzvünün əslində qış fasiləsində alınmasında maraqlı idi. Lakin Budak cari mövsüm çempionatda artıq “Bursaspor”da 1, “Erzurum BB”də isə 4 matçda iştirak etdiyindən, gələn ilin yayına qədər üçüncü klubda oynaya bilməz. Bu da bakılıları planı mövsümün sonuna təxirə salmağa vadar edib.

Qeyd edək ki, “Neftçi” həmçinin “Sumqayıt”ın müdafiəçisi Höccət Haqverdi və “Qarabağ”ın qapıçısı Emil Balayevə də maraq göstərir.
 

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu