DÇ-2022-nin seçmə mərhələsində Azərbaycan millisi ilə eyni qrupda yer alan Serbiya yığması yoldaşlıq oyunu keçirib.

Apasport.az saytının məlumatına görə, balkanlılar üç gündən sonra yığmamızla qarşılaşacaq Qətərlə üz-üzə gəlib.

Asiyalıların müqavimətini yalnız ilk hissənin uzatma dəqiqəsində qıran Serbiya millisi fasilədən sonra qol yağışına sevinib. 4:0 hesablı qələbə qazanan balkanlıların hər qoluna ayrı futbolçu imza atıb.

Saşa Luliçin ilk yarıda qol vurduğu matçda Luka Yoviç, Duşan Vlahoviç və Sergey Milinkoviç-Saviç də fərqlənib.

Qeyd edək ki, Qətər millisi noyabrın 14-də Bakı Olimpiya Stadionunda yığmamızla üz-üzə gələcək.
 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi