DÇ-2022-nin Avropa zonası üzrə seçmə mərhələsinin sonuncu turu davam edir.

Apasport.az saytının məlumatlına görə, J qrupunda X tur yalnız pley-offa vəsiqə baxımından əhəmiyyət kəsb edib.

Şimali Makedoniya və Rumıniya qiyabi mübarizədə 2-ci yerin sahibini müəyyənləşdirib. Öz meydanında İslandiya ilə qarşılaşan Şimali Makedoniya 3:1 hesablı qələbə sayəsində xal hesabını 18-ə çatdırıb.

Rumıniyanın Lixtenşteyndəki qazandığı üç xal (2:0) ikinci yer üçün yetərli olmayıb. Komanda 17 xalla 3-cü sırada qalıb. 1-ci yeri öncədən təmin edən Almaniya özü üçün formal görüşdə Ermənistana qalib gəlib – 4:1.

Qeyd edək ki, Şimali Makedoniya pley-offa yüksələn 6-cı komanda olub. Daha öncə Şotlandiya, Avstriya, Rusiya, Uels və Çexiya bu hüququ əldə edib.
 

• Sanki Ronaldonun gedişini gözləyirdilər – “7 nömrə” Leaoya verildi
• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”