Somalili hakim Omar Abdulkadir Artan DÇ-2026-da idarəçilik edə bilməsə də, turnir üçün nəzərdə tutulan ödənişi alacaq.

Apasport.az xəbər verir ki, ABŞ-a buraxılmadığı üçün dünya çempionatında iştirak edə bilməyən 34 yaşlı referiyə FIFA tərəfindən tam turnir haqqı ödəniləcək.

Artan mundialda oyun idarə edəcək ilk somalili hakim olmağa hazırlaşırdı. Lakin o, Mayami hava limanında ABŞ sərhəd xidməti tərəfindən ölkəyə buraxılmayıb.

FIFA isə miqrasiya qərarlarının ev sahibi ölkənin səlahiyyətində olduğunu bildirib.

Qeyd edək ki, Omar Artan 2025-ci ildə Afrikanın ən yaxşı kişi hakimi seçilib. UEFA ona dəstək məqsədilə avqustda keçiriləcək UEFA Superkuboku matçını idarə etməyi tapşırıb.

• Naqelsmandan 7:1-lik qələbəyə şərh – “Kurasao da futbol oynaya bilir”
• DÇ-2026 - Yaponiya və Niderlanddan 4 qollu sülh - YENİLƏNİB
• Havertzin gecəsi – Matçın ən yaxşısı seçildi
• Kukurelya “Real”da – DÇ sonrası imzalayacaq
• 12 il sonra eyni hesab – Almaniya 7:1-i təkrarladı