Şotlandiya millisinin futbolçusu Con Makqinn DÇ-2026-nın qrup mərhələsində Haiti ilə oyunun ən yaxşısı seçilib.

Apasport.az xəbər verir ki, FİFA 31 yaşlı yarımmüdafiəçini matçın oyunçusu elan edib.

Makqinn qarşılaşmanın 28-ci dəqiqəsində fərqlənərək Şotlandiyaya 1:0 hesablı qələbə qazandırıb. 

Bu, Şotlandiyanın dünya çempionatlarında 1990-cı ildən sonra ilk qələbəsi olub. Stiv Klarkın komandası bu nəticə ilə C qrupunda liderliyə yüksəlib.

Qrupun digər oyununda Braziliya Mərakeşlə 1:1 hesablı heç-heçə edib. 

Qeyd edək ki, Şotlandiya növbəti oyununu iyunun 19-da Mərakeşə qarşı keçirəcək. Haiti isə həmin gün Braziliya ilə üz-üzə gələcək.

• Braziliyanın inanılmaz seriyası - 92 ildir açılış matçında uduzmur
• Ançelottidən heç-heçə şərhi - “Pis nəticə deyil”
• Qətərdən tarixi nəticə – Mundialda ilk xalını qazandı
• DÇ-26: İsveçrəyə şok: Qətər son dəqiqədə 1 xalı qopardı - YENİLƏNİB
• Kanteyə tərif dolu sözlər - “64 yaşında da oynayar”