“Seçmə mərhələni qələbə ilə başa vurmaq istəyirdik. Çünki Avropa çempionatına birbaşa vəsiqə qazanmaq imkanımız var idi”.

Apasport.az saytının məlumatına görə, bunu Slovakiya yığmasının futbolçusu Peter Pekarik deyib.

Təcrübəli müdafiəçi AVRO-2020-nin seçmə mərhələsinin Azərbaycanla görüşü barədə fikirlərini açıqlayıb. O, 2:0 hesablı qələbə ilə final mərhələsinə yüksələ bilmədiklərinə heyfsiləndiyini qeyd edib: “Qalib gəlməyə nail olduq. Təəssüf ki, birbaşa vəsiqə qazana bilmədik. Lakin ikinci şansdan yararlanmağa çalışacağıq. Böyük ehtimalla rəqibimiz İrlandiya olacaq. Biz bənzər üslubda çıxış edən Uelslə görüşlərdə xal itirmişdik. Ona görə bu matçlara yaxşı hazırlaşmalıyıq”.

Qeyd edək ki, Slovakiya AVRO-2020-nin pley-offunda mübarizə aparacaq.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib