Hər iki lisenziyanı millimizin yerli üzvləri əldə ediblər. Belə ki, yunan-Roma güləşçimiz Rövşən Bayramov (55 kq) qızıl medalla yanaşı, qarşıdakı Olimpiadaya vəsiqəyə sahib çıxıb. Sərbəst güləşçimiz Emin Əzizov (66 kq) isə bürünc medal əldə etməsinə baxmayaraq, özündən əvvəlki pəhləvanların hələ ötən il Bakıda təşkil olunan dünya çempionatında Pekinə lisenziya qazanması üzündən, Olimpiya Oyunlarına daha bir vəsiqəyə yiyələnib. Qalan 5 medalla millimizin legionerləri təltif ediliblər. Qadın güləşində Mariya Stadnik (48 kq) qızıl, Elvira Mürsəlova (59 kq) gümüş medala layiq görülüb. Sərbəst güləşçilərimizdən isə E.Əzizovla yanaşı, Çamsulvara Çamsulvarayev (74 kq), Novruz Temrezov (84 kq) və Əli İsayev (120 kq) Bakıya bürünc medalla qayıdıblar. Bununla da güləşin hər üç növündə Pekin Olimpiadasına qazanılan lisenziyaların sayı 7-yə çatıb. Onlardan 48, 55 və 63 kq çəkilərdə qadın, 66 və 74 kq-da sərbəst, 55 və 66 kq-da isə yunan-Roma güləşçilərimiz bu vəsiqələrə sahib çıxıblar. Sərbəst və qadın güləşi üzrə yığmamız ümumi komanda hesabında 3-cü, yunan-Roma güləşi üzrə millimiz isə 13-cü yeri tutub.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib