Bakı. Kənan Həsənov-APA-Sport. Yunanıstanın paytaxtı Afinada beynəlxalq boks turnir start götürüb. “APA-Sport” agentliyinin məlumatına görə, Pekin olimpiadasına sonuncu lisenziya xarakterli yarışın ilk günündə Azərbaycan boksçusu Rahib Bəylərov (75 kq) rinqə çıxıb. Belaruslu Nikolay Vesilovla qarşılaşan təmsilçimiz məğlub olaraq, lisenziya qazanmaq şansını itirib. Nəriman Abdullayevin başçılıq etdiyi milli komandamız digər üzvləri ilk döyüşlərini bu gün və sabah keçirəcəklər. Ceyhun Abıyev (48 kq) Fərhad Pəhləvanla (Türkiyə), Rəhim Nəcəfov (54 kq) Xavatsi Xatsiqovla (Belarus), Romal Amanov (60 kq) Ross Henki (İrlandiya) ilə, Fərhad Acalov (64 kq) Gevork Qalstyanla (Yunanıstan), Tofiq Əhmədov (69 kq) Manuel Ernesti (İtaliya) ilə, Elnur Qədirov (81 kq) Qzim Tahiri (Avstriya) ilə, Elçin Əlizadə (91 kq) Aleksandr Povernovla (Almaniya), Azər Məmmədov (+91 kq) isə Kristian Qlokanla (Rumıniya) qarşılaşacaq.
Turnirin reqlamentinə əsasən, 54, 69 və 75 kq çəki dərəcəsində ilk üç, digər çəkilərdə ilk iki yeri tutanlar lisenziya qazanacaq.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib