Bakı. Mehman Süleymanov – APA-Sport. UEFA-nın Çempionlar Liqasının (ÇL) yarımfinal mərhələsinə yüksələn klublardan ikisi bəlli olub. “APA-Sport” agentliyinin məlumatına görə, ilk yarımfinal cütünü cavab görüşlərində iki top fərqi ilə qələbə qazanan İngiltərə təmsilçiləri təşkil edib. “Çelsi” İstanbulda “Fənərbaxça” ilə ilk oyunda aldığı məğlubiyyətin əvəzini öz meydanında çıxıb. London klubu matçın əvvəlində və sonunda vurduğu qollarla qələbə qazanıb. Bununla da tarixində ilk dəfə ÇL-nin ¼ final mərhələsində oynayan “Fənərbaxça” mübarizəni dayandırıb. “Çelsi”nin yarımfinalda rəqibi yenə “Liverpul” olacaq. Liverpul şəhərinin eyni adlı komandası həmyerliləri “Arsenal”la görüşdə yarımfinala çıxmaq vəzifəsini sona 7 dəqiqə qalmış vurduğu iki qolla yerinə yetirib. “Çelsi” ilə “Liverpul” son dörd mövsümdə üçüncü dəfə ÇL-nin yarımfinalında qarşılaşacaq.

“Çelsi” (İngiltərə) – “Fənərbaxça” (Türkiyə) – 2:0 (ilk oyun – 1:2)
Mixael Ballak, 7 Frank Lempard, 87

“Liverpul” (İngiltərə) – “Arsenal” (İngiltərə) – 4:2 (1:1)
Sami Hyuyupya, 30, Fernando Torres, 69, Stiven Cerrard, 85 - penaltiylə, Rayan Babel, 90+2 – Abu Diabi, 13, Emmanuel Adebayor, 84

Digər yarımfinalçılar bu gün keçiriləcək “Barselona” (İspaniya) – “Şalke” (Almaniya) və “Mançester Yunayted” (İngiltərə) – “Roma” (İtaliya) oyunlarından sonra bəlli olacaq.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO