Bakı. Kənan Həsənov-APA-Sport. Birləşmiş Ərəb Əmirliklərində təşkil olunan “Dubai Open-2008” ənənəvi şahmat turnirində 4-cü turun görüşləri başa çatıb. “APA-Sport” agentliyinin məlumatına görə, Azərbaycan şahmatçıları liderlər qrupundakı mövqelərini əldən veriblər. Dörd oyundan 3 xal toplayan Rəsul İbrahimovla Sərxan Quliyev liderdən bir xal geri qalırlar. Yeniyetmələr arasında Avropa və dünya çempionu Eltac Səfərli, turnirin reytinq favoriti Qədir Hüseynov, İlqar Bacarani, Vasif Durarbəyli və Loğman Quliyevin hesabında 2,5 xal var. Keçirdiyi üç oyunda məğlub olan Ülvi Bacarani 1 xalla autsayderlər qrupunda qərarlaşıb.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO