Bakı. Elşən Məmmədov-APA-Sport. Beynəlxalq Güləş Federasiyaları Assosiasiyasının (FİLA) İcraiyyə Komitəsində Azərbaycan nümayəndələri də təmsil oluna bilər. Bu haqda “APA-Sport” agentliyinə Azərbaycan Güləş Federasiyasının I vitse-prezidenti Namiq Əliyev məlumat verib. Onun sözlərinə görə, avqustda start götürəcək Pekin Yay Olimpiya Oyunları öncəsi FİLA-nın Konqresi keçiriləcək. Toplantıda qurumun prezidenti, vitse-prezidenti və İcraiyyə Komitəsi üzvlərinin seçkisi olacaq: “Seçkinin gedişində Azərbaycan nümayəndələrinin FİLA-nın İcraiyyə Komitəsində təmsil olunma məsələsi gündəmə gələ bilər. Konkret olaraq, bir neçə namizədimiz var. Bunlar federasiyamızın prezidenti Fazil Məmmədov da, mən də, Milli Olimpiya Komitəsinin vitse-prezidenti, sərbəst güləş üzrə dünya çempionu Xəzər İsayev də ola bilər”.

• "Formula 1" Azərbaycan Qran-prisi: Marşal olmaq üçün 35 mindən çox müraciət
• Keişa Fatimə Zəhra beynəlxalq turnirdə qızıl medal qazanıb
• Kamandan oxatma üzrə Bakı çempionatı keçiriləcək
• Üç azərbaycanlı atlet “Alufar IRONMAN 70.3 Baku” triatlon yarışının qalibi olub
• Xorvatiyalı triatlonçu: “Bu, inanılmaz emosiyadır”