Bakı. Anar Cəfərsoy - APA-Sport. Bakıda təşkil olunan şahmat üzrə Qran-Pri turnirində problem yaranıb. Belə ki, IX tur çərçivəsində Sergey Karyakin (Ukrayna) – Maqnus Karlsen (Norveç) görüşündə saatlar dayanıb. Yarışın baş hakimi, Azərbaycan Şahmat Federasiyasının birinci vitse-prezidenti Faiq Həsənov “APA-Sport” agentliyinə açıqlamasında xəbəri təsdiqləyib. Onun sözlərinə görə, hər iki qrossmeysterin saatı gözlənilmədən sıfır göstərib: “Ancaq problemi aradan qaldırdıq. Yəni saatları bərpa etdik”. Federasiya rəsmisi Azərbaycan şahmatçılarının turnirdəki çıxışına da toxunub: “Hesab edirəm ki, hələlik şahmatçılarımız zəif nəticə göstərməyiblər. Turnirin gedişi elədir ki, hər üç təmsilçimizin qalib olmaq şansı var. Deməli, indiki durum yaxşıdır”.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO