«Yeni idman şəhərciyi Bakının Binə qəsəbəsində yerləşəcək. Tikinti işləri təxminən 300 hektar ərazidə aparılacaq ki, hazırda ilkin planlaşmaya başlanılıb. Şəhərciyin artıq 3 ildən sonra istifadəyə verilməsi nəzərdə tutulur. Layihə bütövlükdə 2 mlrd. ABŞ dolları məbləğində qiymətləndirilir və onun reallaşması «Azersun Holding»in öz vəsaiti hesabına maliyyələşdiriləcək», - deyə şirkətdən bildirilib.
Holdinqdən həmçinin bildirilib ki, idman şəhərciyində qolf və tennis kortları, futbol meydançası («Qarabağ» futbol klubunun təlim-məşq bazası), trenajor zalı və bir sıra digər idman növləri üzrə sahələr yaradılacaq.
Qeyd edək ki, idman şəhərciyinin tikintisini xarici şirkət aparacaq və artıq may ayında «Azersun Holding» Şirkətlər Qrupu həmin şirkətlə danışıqların növbəti raundunu keçirəcək.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO