Bakı. Kənan Həsənov - APA-Sport. Bakı. Sabah Bolqarıstanın paytaxtı Sofiyada şahmat üzrə “M-Tel Masters” superturniri start götürəcək. “APA-Sport” agentliyinin məlumatına görə, üçüncü dəfə keçiriləcək yarışda Azərbaycanı milli komandanın üzvü Teymur Rəcəbov təmsil edəcək. 21 yaşlı həmyerlimizin rəqibləri Veselin Topalov (Bolqarıstan), Vasili İvançuk (Ukrayna), Levon Aronyan (Ermənistan), İvan Çeparinov (Bolqarıstan) və Bu Xianqzi (Çin) olacaq. Şahmatçılar dairəvi sistemlə iki dövrədə mübarizə aparacaqlar. Mayın 18-də başa çatacaq “M-Tel Masters” superturnirinə Azərbaycan Şahmat Federasiyasının vitse-prezidenti Faiq Həsənov da dəvət alıb. O, yarışın ispaniyalı baş hakimi Xoakin Espejonun köməkçisi funksiyasını yerinə yetirəcək.
Qeyd edək ki, əvvəlki iki turnirdə Veselin Topalov qalib gəlib. Ötənilki yarışda ölkəmizin şərəfini qoruyan Şəhriyar Məmmədyarov isə 3-5-ci pillələri bölüşüb.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub