Bakı. Kənan Həsənov-APA-Sport. Azərbaycan boksçuları mayın sonunda Tayvanın paytaxtı Taypeydə AİBA prezidenti Çinq-Kuo Vunun şərəfinə təşkil olunacaq beynəlxalq turnirdə iştirak edəcəklər. Bu haqda “APA-Sport” agentliyinə Boks Federasiyasının prezidenti Ağacan Abıyev məlumat verib. Onun sözlərinə görə, bu yarışda ölkəmizi cəmi dörd boksçu təmsil edəcək. Tayvana Pekin olimpiadasına lisenziya qazanan Samir Məmmədov (51 kq) və Şahin İmranovla (57 kq) yanaşı, Emil Məhərrəmov (69 kq) və Famil Süleymanov (60 kq) ezam olunacaq. Hazırda bu boksçular Qazaxıstanın paytaxtı Astanada təlim məşq toplanışındadırlar. Təmsilçilərimiz yerli boksçular və bu günlərdə Astanaya gələn Koreya yığmasının üzvləri ilə hazırlıq keçir.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub