Bakı. Kənan Həsənov-APA-Sport. Azərbaycanın həndbol üzrə qadınlardan ibarət milli komandası tələbələr arasında Rusiyanın açıq çempionatında iştirak edəcək. Bu haqda “APA-Sport” agentliyinə Həndbol Federasiyasının rəsmisi İsgəndər Əsgərov məlumat verib. Onun sözlərinə görə, ukraynalı mütəxəssis Georgi Voronovun rəhbərlik etdiyi yığmamız mayın 27-də Rostov şəhərində start götürəcək yarışa qatılacaq yeganə əcnəbi komanda olacaq. Həndbolçularımız çempionat ərəfəsində Həştərxan şəhərində hazırlıq keçəcək. Millimiz dörd günlük təlim məşq toplanışı çərçivəsində yerli “Astraxanoçka” klubu ilə yoxlama matçında da gücünü sınayacaq.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub