Minsk. Elşən Məmmədov-APA-Sport. Sabah Azərbaycanın yeniyetmə və gənclərdən ibarət yığma komandaları sambo üzrə Avropa çempionatında iştirak etmək üçün Belarusun paytaxtı Minskə yollanacaq. Bu haqda “APA-Sport” agentliyinə millimizin baş məşqçisi Mübariz İbrahimov məlumat verib. Onun sözlərinə görə, mayın 16-da start götürəcək qitə birinciliyində 15 samboçumuz qüvvəsini sınayacaq. Orxan Cəlalov (48 kq), Vüqar Məmmədov (52 kq), Rəşid Şamilzadə (56 kq), Ruslan Rəşidi (60 kq), Səfər Aşumov (65 kq), Samir Kərimov (70 kq), Azər Ağayev (75 kq), Seymur Heydərov (81 kq) və Sadiq Əhmədov (87 kq) yeniyetmələrin mübarizəsinə qatılacaq. Gənclərin yarışında isə Elvin Məmmədov (48 kq), Əfqan Abdullayev (52 kq), Cavidan Qarayev (57 kq), Yaşar Abbasov (62 kq), Emil Həsənov (68 kq) və Mirələm Ağamirova (82 kq) şans veriləcək. Dörd gün davam edəcək Avropa çempionatında hakim qismində həmyerlilərimiz Cabir İsmayılov və Yaqub Abdullayev görüşləri idarə edəcəklər.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub