Bakı. Aqşin Əliyev - APA-Sport. Sabah futzal üzrə XIV Azərbaycan kuboku uğrunda yarışa start veriləcək. “APA-Sport” agentliyinin məlumatına görə, turnir iki mərhələdən ibarət olacaq. İlkin mərhələdə 8 klub 2 qrupda dairəvi sistemlə qüvvəsini sınayacaq. Püşkün nəticəsinə əsasən, “Qarabağ veteranları”, “Karasu”, TT və “Ekol” A, “İnteqral”, “Araz”, DST və “Olimp” B qrupunda yer alıb. Sabah Bakı İdman Sarayında birinci tur çərçivəsində iki oyun baş tutacaq. “Qarabağ veteranları” “Ekol”u (saat 17:30), “İnteqral” isə “Olimp”i (saat 19:00) sınağa çəkəcək. Birinci turun digər qarşılaşmaları mayın 16-na təyin olunub. Qrup mərhələsində ilk iki yeri tutacaq kollektivlər yarımfinala vəsiqə qazanacaqlar.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək