Bakı. Elşən Məmmədov-APA-Sport. Azərbaycanın sərbəst güləş üzrə yığma komandası mayın 17-də Rusiyanın Vladiqafqaz şəhərinə yollanacaq. Millimizin məşqçisi Rövşən Umudovun “APA-Sport” agentliyinə verdiyi məlumata görə, iki həftə davam edəcək toplanışa 12 pəhləvan qatılacaq. Az öncə Mahaçqala şəhərindəki hazırlıq prosesində olduğu kimi, Şimali Osetiya paytaxtına olimpiya çempionu Namiq Abdullayev aparılmayacaq. O, Bakıda qalaraq fərdi proqramla hazırlığını davam etdirəcək. Əvəzində əsas milliyə gənclərdən ibarət yığmamızdan rusiyalı legionerlər Şərif Şərifov (84 kq) və Mixail Qazzayev (120 kq) cəlb olunacaq. Qalan 10 güləşçi isə Namiq Sevdimov, Ceyhun Əliyev (hər ikisi 55 kq), Zəlimxan Hüseynov, Allahverdi Vəliyev (60 kq), Emin Əzizov (66 kq), Çamsulvara Çamsulvarayev (74 kq), Novruz Temrezov (84 kq), Xetaq Qazyumov (96 kq), Əli İsayev, Maksim Proxorov (hər ikisi 120 kq) olacaq.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub