Bakı. Aqşin Əliyev - APA-Sport. 21 yaşadək oğlanlardan ibarət otüstü hokkey üzrə Azərbaycan milli komandası (U-21) Belarusun paytaxtı Minskdə təşkil olunacaq beynəlxalq turnirə dəvət alıb. Bu barədə “APA-Sport” agentliyinə Azərbaycan Otüstü Hokkey Federasiyasının baş katibi Adil Paşayev məlumat verib. Onun sözlərinə görə, iyunun 26-dan iyulun 3-dək keçiriləcək yarış Avropa çempionatına hazırlıq xarakteri daşıyacaq: “İyulda Bakıda qitə birinciliyi baş tutacaq. Bu çempionata hazırlıq məqsədilə Belarusdakı beynəlxalq turnirə qatılacağıq. Minskə yollanmamışdan öncə isə Ukraynaya gedərək, bu ölkənin yığması ilə 3 yoldaşlıq matçı oynamağı planlaşdırırıq”. A.Paşayev vurğulayıb ki, Ukraynaya 21 yaşlı qızlardan ibarət milli komandamızın da yollanacağı gözlənilir. Səfər zamanı xanım hokkeyçilərimiz 20-26 iyul aralığında Avstriyada keçiriləcək Avropa çempionatına hazırlaşmaq imkanı qazanacaqlar.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək