Bakı. Aqşin Əliyev - APA-Sport. Azərbaycanın cüdo hakimləri Elmar Babanlı və Fariz Hüseynov beynəlxalq dərəcə almaq üçün Yunanıstanın paytaxtı Afinada keçiriləcək imtahana hazırlaşırlar. Bu barədə “APA-Sport” agentliyinə Azərbaycan Cüdo Federasiyasının baş katibi Zair Məmmədov məlumat verib. Həmyerlilərimiz 12-14 iyun aralığında baş tutacaq imtahanlarda özlərini yaxşı tərəfdən göstərə bilsələr, bundan sonra beynəlxalq turnirlərə, Avropa və dünya çempionatlarına təyinat alacaqlar. Bir neçə il öncə beynəlxalq dərəcəyə layiq görülmüş Valeh Məhərrəmov isə mayın sonlarında İngiltərəyə yollanacaq. O, paytaxt Londonda təşkil olunacaq ixtisasartırma kurslarına qatılacaq.
Qeyd edək ki, Zair Məmmədov və Valeh Məhərrəmovdan başqa Azərbaycanda beynəlxalq dərəcəli cüdo hakimi yoxdur.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək