Bakı. Elşən Məmmədov - APA-Sport. 2016-cı il Yay Olimpiya və Paralimpiya Oyunlarının Bakı şəhərində keçirilməsi reallaşsa, bu, Azərbaycana 28 milyard dollara başa gələcək. “APA-Sport” agentliyinin məlumatına görə, bu haqda jurnalistlərə Milli Olimpiya Komitəsinin (MOK) vitse-prezidenti Çingiz Hüseynzadə açıqlama verib. Ç.Hüseynzadə indiyədək olimpiadalara ev sahibliyi etmiş ölkələrin sərf etdikləri vəsait haqda məlumatlı olduqlarını bildirib: “2014-cü il Qış Olimpiya Oyunlarının Soçidə keçirilməsi ilə bağlı xərclər üçün Rusiya 14 milyard dollar proqnozlaşdırıb. Qış Olimpiadası üçün bu qədər məbləğ nəzərdə tutulubsa, Yay Olimpiya Oyunları üçün ikiqat artıq vəsait proqnozlaşdırmaq olar”. MOK rəsmisi ölkəmizin bu qədər vəsaiti ödəməyə hazır olduğunu vurğulayıb. Ç.Hüseynzadə bu məsələdə Beynəlxalq Olimpiya Komitəsinin də kömək edəcəyini söyləyib: “Bütün bu məsələlər Bakı şəhərinin Sifariş Kitabında əksini tapıb”.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək