Bakı. Vüqar Xeyrullayev-APA-Sport. Azərbaycanın futzal üzrə milli komandasının oyunçusu Vitali Borisov Rusiya çempionatında növbəti qolunu vurub. “APA-Sport” agentliyinin məlumatına görə, Moskvanın “Dina” klubunun futzalçısı Rusiya çempionatının 24-cü turunun ilk oyununda rəqib komandanı məyus edib. “Norilski nikel” klubu ilə öz meydanında qarşılaşan “Dina” 5:3 hesabı ilə qalib gəlib ki, V. Borisov da komandasının sonuncu qoluna imza atıb. Yığmamızın oyunçusu bununla da Rusiya çempionatının güclülər dəstəsində keçirdiyi 14 matçda vurduğu qolların sayını 4-ə çatdırıb. “Dina” bu gün 24-cü turun ikinci qarşılaşmasında “Norilski nikel”i sınağa çəkəcək. Qeyd edək ki, V. Borisovun komandası 45 oyunda 64 xal toplamaqla 5-ci yerdə qərarlaşıb.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub