Bakı. Vüqar Xeyrullayev – APA-Sport. Azərbaycan cüdocusu Elnur Məmmədli Rusiyanın paytaxtı Moskvada keçirilən super kateqoriyalı Dünya Kubokunun ikinci günündə bürünc medal qazanıb. “APA-Sport” agentliyinin məlumatına görə, 81 kq çəki dərəcəsində yarışan idmançımız ilk görüşdə Əlibəy Baskayevə (Rusiya) uduzub. E. Məmmədli təsəlliverici görüşlərdə fransalı Aksel Klerje və iranlı Həmid Malik Məhəmmədiyə, 3-cü yer uğrunda isə rusiyalı Siracutdin Maqomedova qalib gələrək bürünc mükafatın sahibi olub. Bu çəkidə yarışan Elxan Rəcəbli isə ilk döyüşdə Hirodako Katoya (Yaponiya) uduzaraq mübarizəni dayandırıb. 90 kq çəki dərəcəsində Mehman Əzizov ilk görüşdə fransalı Herv Fişota qalib gəlsə də, rusiyalı Həsənbəy Taova uduzmaqla eyni taleyi yaşayıb. 100 kq çəki dərəcəsində azərbaycanı təmsil edən Mövlud Mirəliyev Yaroslav Rutkonu (Uktrayna) üstələdikdən sonra əvvəl Əshəb Kostoyev (Rusiya), təsəlliverici görüşdə isə Nodar Metreveliyə (Gürcüstan) uduzaraq 7-ci yerlə kifayətlənib.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub