Bakı. Aqşin Əliyev - APA-Sport. Futzal üzrə UEFA kubokunun əsas mərhələsinin Bakıda keçiriləcək 6-cı qrupunun oyunlarına təyinat alan hakim-inspektor və UEFA nümayəndəsinin adları açıqlanıb. “APA-Sport” agentliyinin AFFA-nın rəsmi İnternet saytına istinadən məlumatına görə, Naxçıvanın “Araz” klubunun da mübarizə aparacağı turnirdə hakimlərin idarəçiliyini belçikalı Patrik Villemark qiymətləndirəcək. UEFA nümayəndəsi qismində isə paytaxtımıza makedoniyalı Aleksandru Burlak təşrif buyuracaq. Bu qrupun matçlarını idarə edəcək hakimlərin adları yaxın günlərdə məlum olacaq.
Qeyd edək ki, “Araz” qrup mərhələsində İsveçin “Şkövde” (11 sentyabr), Bolqarıstanın “Nadin” (12 sentyabr) və Slovakiyanın “Slov-Matik Fofo” (14 sentyabr) komandalarını sınağa çəkəcək.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb