Bakı. Elşən Məmmədov - APA-Sport. Futzal üzrə Azərbaycan çempionu Naxçıvanın “Araz” klubunun mübarizə aparacağı UEFA kubokunun 6-cı seçmə qrupunun oyunlarının hakimləri müəyyənləşib. “APA-Sport” agentliyinin AFFA-nın rəsmi İnternet saytına istinadən məlumatına görə, Bakı İdman Sarayında keçiriləcək qarşılaşmalara Yatsek Liqienza (Polşa), Petros Panaidis (Kipr), Sreten Vasiç (Serbiya) və Sergey Velikiy (Rusiya) təyinat alıblar. Hakimlərin işini belçikalı Patrik Villemark qiymətləndirəcək. Aleksandru Burlak (Makedoniya) isə UEFA nümayəndəsi qismində paytaxtımıza təşrif buyuracaq.
Qeyd edək ki, “Araz”ın rəqibləri “Şkövde” (İsveç), “Nadin” (Bolqarıstan) və “Slov-Matik Fofo” klubları olacaq. 11-14 sentyabr aralığında baş tutacaq turnir zamanı komandamızın hər üç görüşü saat 21:00-da başlanacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək