Çempionatın startı həmvətənimiz üçün uğurlu alınıb. O, 1/32 finalın ilk oyununda ağ fiqurlarla almaniyalı Elizabet Peytsi məğlub edib. Bu gün tərəflər arasında cavab görüşü keçiriləcək. Reqlamentə əsasən, İ Qədimova qara fiqurlarla oynayacaq. Şahmatçımız yarım xal qazansa belə, 1/16 finala yüksələcək. Görüş E. Peytsin qələbəsi ilə başa çatarsa, şahmatçılar sabah blits-oyunda üz-üzə gələcəklər. Dünya çempionatına 64 xanımın qatılacağı gözlənilsə də, müxtəlif səbəblərdən onlardan 11-i Rusiyaya gəlməkdən boyun qaçırıb. Sentyabrın 18-dək davam edəcək birinciliyinin mükafat fondu 450 000 ABŞ dollarına bərabərdir. Çempion titulunu qazanan şahmatçı 60 000 dollar qazanacaq.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb