Tədbirdə çıxış edən Heydər Əliyev Fondunun prezidenti, millət vəkili Mehriban Əliyeva Azərbaycan idmançılarının Pekin Olimpiadasında da çox uğurla çıxış etdiklərini, hər bir azərbaycanlının idmançılarımızın qələbəsini böyük sevinc və qürurla qarşıladığını qeyd edib: “Bütün yarışlar çox ciddi rəqabət şəraitində keçdi. İdmançılarımız ölkəmizin nəyə qadir olduğunu bütün dünyaya nümayiş etdirdilər”.

M. Əliyeva son 10 ildə ölkədə idmana böyük qayğı göstərildiyini, idmanın inkişafının Azərbaycanın dövlət siyasətinin bir hissəsi olduğunu qeyd edib. “Sidneydən başlayaraq idmançılarımızın uğurları hər olimpiadada yüksəlir, medalların sayı artır, ümid edirəm ki, daha da artacaq”, deyən M. Əliyeva idmançıların bu gündən Fondun təqaüdçüləri hesab olunduqlarını və hər ay mükafatlandırılacaqlarını qeyd edib.

Sidney və Pekin olimpiadalarının qalibləri olmuş Zemfira Meftahəddinova və Elnur Məmmədli idmana göstərdiyi qayğıya görə M. Əliyevaya minnətdarlıqlarını bildirib, Azərbaycanın adını hər zaman uca tutmağa çalışacaqlarını qeyd ediblər.

M. Əliyeva idmançılara birgə layihə həyata keçirməyi də təklif edib. 30-dan çox uşaq evinin Fond tərəfindən yenidən qurulduğunu deyən M. Əliyeva təklif edib ki, idmançılar valideyn himayəsindən məhrum olmuş uşaqlarla görüşlər keçirsin, keçdikləri yol, qazandıqları uğur barədə danışsınlar.

Təklif idmançılar tərəfindən razılıqla qəbul olunub.

• Gədəbəydə velosipedçilərlə görüş keçirilib - FOTO
• Əhməddin Rəcəblinin 80 illik yubileyi qeyd olunub
• Dövlət qurumlarının əməkdaşları arasında kamandan oxatma yarışı keçirilib - FOTO
• Yığma komandalarımız Gədəbəydə təlim-məşq toplanışında iştirak edəcək - FOTO
• Trek velosipedi üzrə Azərbaycan çempionatı keçirilib