Bakı. Kənan Həsənov - APA-Sport. Nyu-York şəhərində “Böyük Dəbilqə” seriyasından olan ABŞ-ın tennis üzrə açıq çempionatı həlledici mərhələyə qədəm qoyub. “APA-Sport” agentliyinin məlumatına görə, qadınların turnirində artıq 1/4 finala yüksələn idmançılar müəyyənləşib. Bu mərhələnin ən maraqlı oyunu ABŞ təmsilçiləri Serena və Vinus Uilyams bacıları arasında baş tutacaq. 1/4 final çərçivəsində həmçinin Pennetta Flaviya (İtaliya) - Dinara Safina (Rusiya), Sibil Bammer (Avstriya) - Yelena Yankoviç (Serbiya) və Yelena Dementyeva (Rusiya) - Patti Şnider (Almaniya) görüşləri keçiriləcək. Sentyabrın 7-dək davam edəcək çempionatın mükafat fondu 20,7 milyon ABŞ dollarına bərabərdir.
Qeyd edək ki, kişilər arasında təşkil olunan analoji birinciliyin 1/4 finalçıları bu gün məlum olacaq.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb