Bakı. Aqşin Əliyev - APA-Sport. Bu gün İsveçrənin Nyon şəhərində futzal üzrə Avropa çempionatının seçmə mərhələsinin püşkü atılıb. “APA-Sport”un məlumatına görə, təsnifat mərhələsində 38 yığma 12 vəsiqə uğrunda yarışacaq. Azərbaycan milli komandası reytinqi yüksək olduğundan ikinci turda mübarizəyə qoşulacaq. Yığmamız 6-cı qrupda Portuqaliya və Polşaya qarşı çıxış edəcək. Bundan başqa, ilkin mərhələnin 4-cü qrupunun - İsrail, Finlandiya, Türkiyə və Çernoqoriya – ən güclüsü də futzalçılarımıza rəqib olacaq. Milli komandamızın qrupundakı oyunlar 2009-cu il martın 19-dan 22-dək Portuqaliyanın Viana do Kastelo şəhərində keçiriləcək. Qrup qalibləri və ən yaxşı nəticələrlə ikinci yeri tutmuş 4 kollektiv finala vəsiqə qazanacaq. Avropa çempionatı 2010-cu ilin yanvarında Macarıstanda təşkil olunacaq.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb