Bakı. Aqşin Əliyev - APA-Sport. Oktyabrın 11-12-də Bakıda keçiriləcək cüdo üzrə Dünya Kubokunda Azərbaycan yığması ikinci heyətlə çıxış edəcək. Bu haqda “APA-Sport”a milli komandanın baş məşqçisi Ağayar Axundzadə məlumat verib. 51 yaşlı çalışdırıcı bildirib ki, əsas heyət üzvlərinin əksəriyyəti müxtəlif səbəblərdən Dünya Kubokuna qatılmayacaqlar. Onları gənc cüdoçular əvəzləyəcəklər.

Axundzadə Pekin Yay Olimpiya Oyunlarına aparılmış 6 idmançıdan cəmi 2-sinin doğma publika önünə çıxacağını deyib: “Pekin Olimpiadasında iştirak etmiş cüdoçulardan Elxan Məmmədovla Kifayət Qasımova Dünya Kubokunda güləşəcək. Qarşıdakı yarışda əsas yığmamızın digər üzvlərini çıxış etməyəcəklər. Xüsusilə, olimpiya çempionu Elnur Məmmədli və bürünc mükafatçı Mövlud Mirəliyevin Dünya Kubokunda iştirakına lüzum görmürəm”.

Baş məşqçi vurğulayıb ki, olimpiadaya yollanmış Ramil Qasımov burun nahiyəsindən cərrahiyyə əməliyyatı keçirib. Milli komandanın veteranlarından biri Mehman Əzizov isə hələ də istirahət edir.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək