Kadıköydə səssiz gecə

01.10.2008 - 00:42

Bakı. Aqşin Əliyev - APA-Sport. UEFA Çempionlar Liqasının qrup mərhələsində ikinci turun oyunları start götürüb. “APA-Sport”un məlumatına görə, gecənin ən gözlənilməz nəticəsi Minskdə qeydə alınıb. Belarus çempionu BATE Avropanın nəhəng klublarından sayılan “Yuventus”la görüşdə 1 xal qazanıb. Daha doğrusu, belaruslular 2:0 öndə olduqları oyunda qələbəni əldən veriblər.

Azərbaycan futbol həvəskarlarının da azarkeşlik etdiyi “Fənərbaxça” isə Kiyev “Dinamo”sunun müqavimətini qıra bilməyib. Tərəflərin səyinə baxmayaraq, qapılar toxunulmaz qalıb. Bu heç-heçə qrup mərhələsini adlamaq istəyən “sarı-lacivərdlilər”in işini çətinləşdirib. Hazırda İstanbul komandası 1 xalla qrupda sonuncu, 4-cü yeri tutur.

Bu gecə A, B, C və D qruplarında da ikinci turun matçları baş tutacaq.

UEFA Çempionlar Liqası, 2-ci tur

30 sentyabr

E qrupu
“Olborq” (Danimarka) - “Mançester Yunayted” (İngiltərə) - 0:3
Runi, 21; Berbatov, 55; 79.

“Vilyareal” (İspaniya) - “Seltik” (Şotlandiya) - 1:0
Senna, 67

1.“Mançester Yunayted” 4 xal, 2.“Vilyareal” 3, 3.“Seltik” 1, 4.“Olborq” 1

F qrupu
“Bavariya” (Almaniya) - “Lion”(Fransa) - 1:1
Ze Roberto, 52 - Demişelis, 24 (avtoqol).

“Fiorentina” (İtaliya) - “Styaua” (Rumıniya) - 0:0

1.“Bavariya” 4, 2.“Fiorentina” 2, 3.“Lion” 2, 4.“Styaua” 1

G qrupu
“Arsenal” (İngiltərə) - “Portu” (Portuqaliya) - 4:0
Van Persi, 30; 48; Adebayor, 39; 71 (pen.)

“Fənərbaxça” (Türkiyə) - “Dinamo” (Kiyev, Ukrayna) - 0:0

1.“Arsenal” 4, 2.“Portu” 3, 3.“Dinamo” 2, 4.“Fənərbaxça” 1

H qrupu
“Zenit” (Rusiya) - “Real” (İspaniya) - 1:2
Danni, 25 - Hubokan, 4 (avtoqol); Rud van Nistelroy, 31.

BATE (Belarus) - “Yuventus” (İtaliya) - 2:2
Krivets, 17; Staşeviç, 23 - Yakinta, 28; 45.

1.“Real” 6, 2.“Yuventus” 4, 3.BATE 1, 4.“Zenit” 0