Bakı. Kənan Həsənov - APA-Sport. Azərbaycan gimnastı Anna Qurbanova Sloveniyanın paytaxtı Lyublyanada keçirilən beynəlxalq turnirdə uğurlu çıxış edib. “APA-Sport”un Gimnastika Federasiyasının mətbuat katibliyinə istinadən verdiyi məlumata görə, təmsilçimiz yarışı 5 qızıl medalla başa vurub. Qurbanova lent, ip, halqa, gürz və çoxnövçülükdə birinci olub.

Gimnastımızın qatılacağı növbəti yarış isə oktyabrın 11-də Almaniyanın paytaxtı Berlində start götürəcək. Anna iki gün ərzində Qran-Pri turnirinin finalı öncəsi təşkil olunacaq seçmə mərhələdə mübarizə aparacaq.

Oktyabrın 4-də isə milli komandamızın lideri Aliyə Qarayeva İspaniyanın Benidorm şəhərində başlayacaq dünya kubokunun mərhələ yarışında çıxış edəcək. Bu nüfuzlu yarışın mükafatları uğrunda cəmi 8 idmançı yarışacaq.

• Badmintonçularımız beynəlxalq turnirdə 11 medal qazanıblar
• Azərbaycan və Albaniya arasında idman əlaqələrinin genişləndirilməsi müzakirə olunub
• Bilyard üzrə Azərbaycan çempionatı keçiriləcək
• Beynəlxalq triatlon yarışında ilk azərbaycanlı hakim - FOTO
• Gədəbəydə velosipedçilərlə görüş keçirilib - FOTO