Bakı. Kənan Həsənov - APA-Sport. Almaniyanın Bonn şəhərində dünya şahmat tacı uğrunda təşkil edilən oyunda qələbə hesabı açılıb. “APA-Sport”un məlumatına görə, ardıcıl iki heç-heçədən sonra hazırkı dünya çempionu Vişvanatan Anand (Hindistan) rusiyalı rəqibi Vladimir Kramnikə mat qoymağı bacarıb.

Hindistanlı qrossmeyster qara fiqurlarla oynasa da, Kramniki 41-ci gedişdə təslim olmağa məcbur edib. Bu qələbədən sonra Anand hesabda 2:1 önə keçib. Növbəti görüş bu gün keçiriləcək.

Qeyd edək ki, yarışın mükafat fondu 1,5 milyon avroya bərabərdir. Reqlamentə əsasən, oktyabrın 31-dək davam edəcək 12 partiyada qalib müəyyənləşməyəcəyi təqdirdə, qrossmeysterlər noyabrın 2-də tay-breykdə qüvvələrini sınayacaqlar.

• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO