Bakı. Aqşin Əliyev - APA-Sport. Yunanıstanın Kallitea şəhərində keçirilən şahmat üzrə klublararası Avropa Kuboku davam edir. “APA-Sport”un məlumatına görə, 33 ölkədən 64 kollektivin mübarizə apardığı yarışın ikinci günü azərbaycanlı şahmatçıların çıxış etdikləri komandaların aktivinə yazılıb.

Rusiyanın “Ural” klubunun kapitanı Teymur Rəcəbov debütdə qələbə qazanıb. İlk turu buraxmış həmyerlimiz Avropa Kubokunda keçirdiyi birinci görüşdə “Barbikan” (İngiltərə) komandasının lideri Conatan Parkeri məğlub edib. Yekunda isə “Ural” rəqibinə 6:0 hesabl iə qalib gəlib.

Analoji halı Şəhriyar Məmmədyarov da yaşayıb. Makedoniyanın “Alkaloid” klubunda istər Şəhriyar, istərsə də onun qalan 5 komanda yoldaşı İrlandiya “Ennis”indən olan həmkarlarını üstələyib. “Aşdod”un (İsrail) lideri sayılan Vüqar Həşimov isə yarım xalla kifayətlənib. Şahmatçımızın komandası da Ukrayna “Kiyev”inin müqavimətini qıra bilməyib - 3:3.

İki turdan sonra “Ural” 4 xalla zirvədə qərarlaşıb. Üç xala malik “Alkaloid” 16-cı, “Aşdod” isə 19-cu yeri tutur. Sabah keçiriləcək növbəti tur çərçivəsində “Ural” Bosniyanın “Şiroki Briyeq” klubunu sınağa çəkəcək. “Alkaloid” isə “Aşdod”la qarşılaşacaq. Bu klublarda birinci taxtada Məmmədyarovla Həşimovun mübarizə apardığını nəzərə alsaq, Avropa Kubokunun 3-cü turunu azərbaycanlıların dueli kimi xarakterizə etmək olar.

• Badmintonçularımız beynəlxalq turnirdə 11 medal qazanıblar
• Azərbaycan və Albaniya arasında idman əlaqələrinin genişləndirilməsi müzakirə olunub
• Bilyard üzrə Azərbaycan çempionatı keçiriləcək
• Beynəlxalq triatlon yarışında ilk azərbaycanlı hakim - FOTO
• Gədəbəydə velosipedçilərlə görüş keçirilib - FOTO