Bakı. Kənan Həsənov - APA-Sport. Azərbaycanın bədii gimnastika yığmasında baş məşqçi dəyişikliyi reallaşıb. “APA-Sport”un Gimnastika Federasiyasının mətbuat katibliyinə istinadən verdiyi məlumata görə, milli komanda bolqar mütəxəssis Mariana Vasilevaya tapşırılıb.

Bu haqda qərar federasiyanın İcraiyyə Komitəsinin növbəti iclasında qəbul olunub. 35 yaşlı Vasileva bundan əvvəl Azərbaycanın qrup komandasında çalışıb və kifayət qədər yüksək nəticələrə nail olub. Yığma onun rəhbərliyi altında Pekin olimpiadasının final mərhələsinə və Turində keçirilən Avropa çempionatına vəsiqə qazanıb.

Maraqlıdır ki, məşqçi korpusunda bolqar mütəxəssisin köməkçilərindən biri yığmanın üzvü Dinarə Gimatova olub. Baş məşqçi postundan istefaya göndərilən Valentina Ukleina isə federasiyanın nəzdində yeni yaradılan texniki məsələlər üzrə komissiyaya üzv seçilib.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək