Bakı. Aqşin Əliyev - APA-Sport. Boks üzrə Azərbaycan milli komandasının üzvü Samir Məmmədov İngiltərənin Liverpul şəhərində keçirilən Avropa çempionatında uğursuzluğa düçar olub. “APA-Sport”un məlumatına görə, 54 kq çəki dərəcəsində yarışan həmyerlimiz mübarizəni erkən dayandırıb.

Samir 1/8 final mərhəsələsində sensasion məğlubiyyətlə üzləşib. Ölkəmizin ən perspektivli boksçularından sayılan Məmmədov irlandıyalı Rayan Lindberqə uduzub - 3:11. Beləliklə, Liverpula yollanan 5 təmsilçimizdən biri medaldan artıq əlini üzüb.

Fəxri kürsüyə yüksəlmək şanslarını saxlayan Famil Süleymanov (60 kq) və Emil Məhərrəmov (69 kq) da bu gün rinqə çıxacaqlar. Onlar müvafiq olaraq, İsmət Zerik (Bosniya və Hersoqovina) və Aleksandr Rakislovu (Rusiya) sınağa çəkəcəklər. Fərhad Acalovla (64 kq) Elçin Əlizadə (91 kq) isə noyabrın 10-da döyüşəcəklər. Sayca 37-ci dəfə təşkil olunan Avropa çempionatının qalibləri noyabrın 15-də müəyyənləşəcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək