Bakı. Kənan Həsənov - APA-Sport. Noyabrın 27-də Rusiyanın Sankt-Peterburq şəhərində peşəkar boks gecəsi təşkil olunacaq. “APA-Sport”un məlumatına görə, gecəyə azərbaycanlı boksçu Əli İsmayılov da qatılacaq.

WBO Latino versiyası üzrə “Qızıl kəmər”in sahibi olan həmyerlimiz titulunu qorumaq üçün rinqə çıxacaq. İsmayılovun bu dəfə rəqibi Ekvadorlu Ayman Ramadan olacaq. Misirdə anadan olan boksçu indiyədək peşəkar rinqdə keçirdiyi 12 döyüşün (10 nokaut) hamısında qələbə qazanıb.

Qeyd edək ki, İsmayılov oktyabrda amerikalı Maks Aleksanderlə görüşdə çempionluq titulunu üçüncü dəfə qoruyub. Bu, həmyerlimizin peşəkar rinqdə 14-cü qələbəsi olub. Əli, həmçinin bir dəfə uduzub, bir görüşü isə heç-heçə başa vurub.

• Gəncədə üzgüçülük üzrə “ASF Ganja Cup 2025” turniri keçiriləcək
• Badmintonçularımız beynəlxalq turnirdə 11 medal qazanıblar
• Azərbaycan və Albaniya arasında idman əlaqələrinin genişləndirilməsi müzakirə olunub
• Bilyard üzrə Azərbaycan çempionatı keçiriləcək
• Beynəlxalq triatlon yarışında ilk azərbaycanlı hakim - FOTO