Bakı. Kənan Həsənov - APA-Sport. Azərbaycan boksçularının İngiltərənin Liverpul şəhərində keçirilən Avropa çempionatında biabırçı çıxışı davam edir. “APA-Sport”un məlumatına görə, bu nüfuzlu yarışda mübarizəni dayandıran təmsilçilərimizin sayı dördə çatıb.

Samir Məmmədov (54 kq), Emil Məhərrəmov (69 kq) və Fərhad Acalovun (64 kq) ardından Elçin Əlizadə də məğlubiyyət acısı dadıb. 91 kq çəki dərəcəsində döyüşən boksçumuz 1/8 finalda macar Yojef Darmosla bacara bilməyib - 3:9.

Bununla, Nəriman Abdullayevin rəhbərliyi altında Liverpula yollanan yığmamızın cəmi bir üzvünün Avropa çempionatının mükafatları uğrunda mübarizə aparacağı rəsmiləşib. 1/4 finala yüksələn Famil Süleymanov (60 kq) irlandiyalı rəqibi Ross Hikkini üstələsə, özü üçün minimum bürünc medalı təmin edəcək.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO