Bakı. Kənan Həsənov - APA-Sport. “Avropa çempionatını izləyirəm. Başqa cür ola da bilməz. Axı orada döyüşənlər mənim tələbələrim olublar”. Bu fikirləri “APA-Sport”a Azərbaycan boks yığmasının sabiq baş məşqçisi Məmməd Eyvazov bildirib.

İstefaya göndərildiyi gündən istirahət etdiyini deyən təcrübəli mütəxəssis İngiltərənin Liverpul şəhərində keçirilən Avropa çempionatında qeydə alınan nəticələrə şərh verməyib: “Mənim sadəcə, ürəyim ağrıyır. Başqa heç nə deməyəcəyəm. Qarışmaq istəmirəm. Məsləhət bilib çağırsalar, sözümü deyərəm”.

Eyvazov Azərbaycanda idman klubları və ya cəmiyyətlərində işləmək fikrində olmadığını da qeyd edib: “Mən bir məşqçi kimi karyeramın zirvəsinə çatmışam. Uzun illər Azərbaycan yığmasını uğurla çalışdırmışam. Klublardan təklif almışdım. Sadəcə, özüm bir neçə pillə aşağıda işləmək istəmədim”.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO