Bakı. Kənan Həsənov - APA-Sport. “Şəhriyar Məmmədyarov da Azərbaycan yığmasının əsas silahı sayılır. O, bunu Maqnus Karlseni zərərsizləşdirərkən sübut etdi”. “APA-Sport”un məlumatına görə, bu sözlər rusiyalı şahmat şərhçisi Yuri Vasilyevə məxsusdur.
Drezdendə keçirilən Şahmat Olimpiadasını yaxından izləyən Vasilyev V tur çərçivəsində baş tutan Azərbaycan - Norveç oyununa da toxunub. Vasilyev bu görüşdə birinci lövhədə oynayan Məmmədyarovun qeyri-adi pozalar göstərdiyini qeyd edib: “Şəhriyar bəzən ekzotik pozalara düşürdü. O, uzanaraq əla oynayırsa, görün ayağa duranda nə olacaq?”
Qeyd edək ki, bu görüşdə milli komandamız Norveçi 3:1 hesabı ilə məğlub edərək liderliyə şərik çıxıb. Məmmədyarov isə rəqibin lideri Karlsenin hücumlarını inamla dəf edərək heç-heçəyə imza atıb.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO