Rumıniyalı tennisçi Simona Halep böyük döşlərinin yaratdığı problemdən qurtulmaq üzrədir. Apasport.az saytının məlumatına görə, 17 yaşlı idmançı döşlərini balacalaşdırmaq üçün əməliyyat keçirmək qərarına gəlmişdi. Nəhayət o, cərrah stoluna uzanıb.

Bir müddət öncə gənc tennisçilərin reytinq siyahısında zirvəyə yüksələn, amma sonradan 6-cı pilləyə enən Halep döşlərinin böyük olmasının ona maneçilik törətməsindən şikayətlənirdi. Simona bildirirdi ki, böyük döşlər onun sürətini azaldır, istənilən nəticəni qazanmağa imkan vermir.

Əməliyyatdan sonra isə yeniyetmə tennisçi nailiyyət qazanacağına inandığını vurğulayıb. Onun əsas məqsədi nüfuzlu turnirlərdə qalib gələrək, Dünya Tennis Assosiasiyasının (WTA) reytinq cədvəlində mövqeyini yaxşılaşdırmaqdır. Simona hazırda WTA-nın siyahısında 264-cü yerdədir.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO